နှစ်သိမ့်ဆွေးနွေးခြင်းဆိုတာ လူတွေကို ကူညီပေးတဲ့ နည်းလမ်းတစ်ခုဖြစ်ပြီး၊ စကားပြောဆိုဆွေးနွေးခြင်း၊ အပြုအမူပိုင်းဆိုင်ရာ ကူညီပေးခြင်းနဲ့ လူမှုဆက်ဆံရေးတွေမှာ ပံ့ပိုးပေးခြင်းတို့ ပါဝင်ပါတယ်။ ဒီပညာရပ်ကတစ်ဆင့် လူတွေရဲ့ စိတ်ခံစားချက်ကို ပိုမိုကောင်းမွန်လာစေရန်၊ ကောင်းမွန်မှန်ကန်စွာ တွေးတောတတ်လာစေရန်နဲ့ အပြုအမူတွေကို ပြောင်းလဲလာစေရန် ကူညီပေးနိုင်ပါတယ်။ ကျွန်ုပ်တို့အနေနဲ့ စိတ်ဒဏ်ရာရခြင်း၊ စိတ်ကျရောဂါ၊ စိုးရိမ်ပူပန်မှုလွန်ကဲခြင်းနဲ့ မူးယစ်ဆေးဝါး/အရက်သေစာ သုံးစွဲမှုပြဿနာများအတွက် လူကိုယ်တိုင်ဖြစ်စေ၊ အွန်လိုင်းမှတစ်ဆင့်ဖြစ်စေ နှစ်သိမ့်ဆွေးနွေးမှုများကို ကူညီပံ့ပိုးပေးနေပါတယ်။